Plantun de Prouvènço

Pèr coumpara dos planto d'encò nostre

Morus kagayamae & Bromus arvensis

Morus kagayamae

Moraceae

Nom en français : Mûrier platane.

Descripcioun :
L'amourié-platano, que nous vèn dóu Japoun, es un aubre planta dins li jardin, li pargue e long de carriero. Malodi s'èi proun naturalisa dins li relarg umide proche de ribiero (ripisilvo) e i'èi pas rare de lou rescountra emé si fueio di proun chanjadisso.

Usanço :
Coume es esta di, avèn usanço de lou vèire taia pèr douna d'oumbro. Li meno plantado soun esterlo pèr pas que lou fru taque lou sòu, autramen aquéli soun goustous e manjadis coume li dis àutris amourié. Au Japoun servié à abali li magnan coume l'amourié-blanc. Èro nouma Morus bombycis, de Bombyx mori, lou magnan. Li prouprieta dèvon èstre li memo.

Port : Aubre
Taio : 2 à 5 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Morus
Famiho : Moraceae

Coulour de la flour : Blanco
Petalo : ges
Ø (o loungour) enflourejado : 15 à 30 mm
Flourido : Printèms

Sòu : Ca
Autour basso e auto : 0 à 200 m
Aparado : Noun
Abriéu à mai

Liò : Ribo d'aigo - Ermas
Estànci : Mesoumediterran
Couroulougi : Óurigino Asìo-Èst
Ref. sc. : Morus kagayamae Koidz., 1915 (= Morus bombycis Koidz.,1915 )

Senòbi(-de-champ)

Bromus arvensis

Poaceae Graminaceae

Autre noum : Senòbi.

Nom en français : Brome des champs.

Descripcioun :
Aquéu senòbi èi pas di mai coumun aleva en Prouvènço preaupenco, ounte trachis dins lis armas e li prat. Fai d'espigueto pas bèn larjo (0,4 cm). Se recounèis peréu à si guèno de fueio cuberto de nóumbrous pichot péu (< 0,8 mm) e coume veloutado (fotò). Lis arèsto soun drecho.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 80 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Bromus
Famiho : Poaceae
Famiho classico : Graminaceae
Tribu : Triticeae
Ordre : Poales

Coulour de la flour : Verdo
Petalo : ges
Ø (o loungour) enflourejado : 6 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Jun à juliet

Liò : Champ - Ermas - Ribiero
Estànci : Termoumediterran à Mountagnard
Couroulougi : Éurosiberiano
Ref. sc. : Bromus arvensis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Morus kagayamae & Bromus arvensis

ges

Coumpara Amourié(-platano) emé uno autro planto

Coumpara Senòbi(-de-champ) emé uno autro planto